mércores, 19 de xuño de 2024

Seguridade Vial!

Nesta semana tivemos a sorte de ter a visita da Guardia Civil, que nos deron unha pequena charla para concienciarnos das normas de tráfico e seguridade para andar en bici.

Logo, collemos as nosas bicis e patinetes e nos botamos ao circuíto! Onde podíamos subir aos coches da guardia civil, encender as sereas, poñer as luces,...

 


Saída ao Aquapark


 Mes de xuño axetreado, como de costume! No que non desaproveitamos a oportunidade de visitar o aquapark de Cerceda!

Un día gris, no que chapoteamos e mollamos os pés os máis pequenos, pero no que os grandes se mergullaron sen dubidalo!

A continuación, vos amosamos un video resumo da nosa xornada:


Da igual o tempo que faga!! que nos desfrutamos a tope de cada instante!

domingo, 9 de xuño de 2024

Semana da Ciencia

 

Coma todos os anos, festexamos a semana da ciencia no noso centro, onde cada ciclo organiza experimentos para expoñer e explicar ao resto de compañeiros e compañeiras.

Experimentos de todo tipo: de auga, magnéticos, a propulsión, con materiais de reciclaxe, moi científicos e tamén outros cheos de maxia... 

Sempre se convirte nunha experiencia marabillosa para todos e todas, onde nos afrontamos á vergoña e a falar en público, memorizar textos e saber explicar aos demais, traballar en equipo e axudar cando a mente se queda en branco,....

A continuación amosamos un video resumo desta gran experiencia:


Letras Galegas

 Para vivir o día das Letras galegas levamos a cabo dúas propostas:

Por unha banda, fixemos unha manualidade en forma de marcapáxinas, coas cores da nosa bandeira galega.



Por outro lado, desfrutamos dun circuito de orientación coa axuda do profe Fran, onde aprendemos moitas cousas de Luisa Villalta.







Día da familia

 


Para festexar o Día da familia levamos a cabo uns imáns para o frigorífico, feitos polo propio alumnado, recreando nunha imaxe á súa familia.