A semana pasada fixemos unha pequena saída polo pobo, aproveitando o día de feira e que en infantil estamos investigando sobre as profesións artesanais!!
Foi un inicio moi gracioso, no que lle preguntamos aos nenos e nenas que significaba para eles "profesións", do cal explicaron moi ben que era un traballo; pero en canto a "artesanais" uns mesturaron aspectos coa a arte e outros xa non sabían por onde tirar.
Así, unha vez encauzado o proxecto de investigación, descubrimos que no noso propio pobo, temos a riqueza de dispoñer de algunhas profesións artesanais como: o ferreiro, o curtidor, o zapateiro, ... e dispuxémonos (todo o centro) a visitar e desfrutar das historias de cada un destes traballadores. Ademais, puidemos ver nalgúns casos como se fai o seu traballo.
Poñémosvos a continuación un video resumo da nosa saída!!
Ningún comentario:
Publicar un comentario