Entroidiño querido!! que ben que chegaches!! e a pesar de todo o que iste maldito virus está a facer coas nosas festas, non podemos deixar de festexarte!!

Foi unha semana de troula tras troula, pero da que nos enchemos de cultura e tradicións.

Espero que desfrutedes desta entrada, tanto como eu ao facela. Comezamos…

"MÉRCORES FARELEIRO"

Da nada e sen premeditar xurdiu festexar o fareleiro. Como podedes imaxinar, ou vendo como chegaron os peques ás casas podedes ver como acabou o día!!

Entre carreiras, risos, saltos, salpicaduras e unha bruma branca, enchemos o pavillón do noso concello de fariña. Déixovos un pequeno vídeo para que desfrutedes.

“XOVES OLEIRO”

Despois de recuperar os folgos perdidos o mércores; chegamos ao xoves, día que comezamos cun obradoiro de olas de barro (o cal iniciáramos no magosto), onde pintamos as olas feitas anteriomente.

Pola tarde, desfrutamos lanzándonos olas, por cursos, seguindo a tradición Ourensana.

E por fin chegou o gran día…

Comezamos o venres cunha actividade moi dinámica e motivadora: o circuíto de orientación permanente. No cal deberíamos buscar as diferentes letras (postas en linguaxe de signos) que formaban a palabra CARAVIRUS.